នាយឧត្តមសេនីយ៍ ឆៃ ស៊ីណារិទ្ធ៖ សន្តិសុខ ឯកជនមិនបានកាត់ផ្តាច់ពីគ្នាជាមួយមន្ត្រីនគរបាលនោះឡើយ
18-February-2019 | ដោយ ពលមនសិការ
ភ្នំពេញ៖ នាព្រឹកថ្ងៃទី១៨ ខែកុម្ភៈ ឆ្នាំ២០១៩ ឯកឧត្តម នាយឧត្តមសេនីយ៍ ឆៃ ស៊ីណារិទ្ធ អគ្គស្នងការរងនគរបាលជាតិ បានដឹកនាំកិច្ចប្រជុំដកពិសោធន៍ការងារសន្តិសុខឯកជន រវាងអគ្គស្នងការដ្ឋាននគរបាលជាតិ និងក្រុមហ៊ុនផ្តល់សេវាសន្តិសុខឯកជន សហគ្រាសគ្រឹះស្ថានជ្រើសរើសភ្នាក់ងារសន្តិសុខឯកជននៅអគ្គស្នងការដ្ឋាននគរបាលជាតិ។
ឯកឧត្តម នាយឧត្តមសេនីយ៍ មានប្រសាសន៍បន្តថា សន្តិសុខ ឯកជនមិនបានកាត់ផ្តាច់ពីគ្នាជាមួយមន្ត្រីនគរបាលនោះឡើយ បើទោះបីជាបុគ្គលិកសន្តិសុខ ឯកជនបានកើនឡើងពីមួយឆ្នាំទៅមួយឆ្នាំក៏ដោយនោះ។
ឯកឧត្តម នាយឧត្តមសេនីយ៍ ឆៃ ស៊ីណារិទ្ធបានលើកឡើងថា«សន្តិសុខឯកជនទាមទារឲ្យមានកិច្ចសហការជាមួយនគរបាលជានិច្ចមិនថាពេលវេលាណានោះឡើយ ហើយពួកគេមិនអាចកាត់ផ្តាច់ពី គ្នាបាននោះដែរ»។
ឯកឧត្តមនាយឧត្តមសេនីយ៍ ឆៃ ស៊ីណារិទ្ធបានលើកឡើងទៀតថា ក្រសួងមហាផ្ទៃបានអនុញ្ញាតឲ្យមានទីភ្នាក់ងារជ្រើសរើសសន្តិសុខឯកជននេះ គឺដើម្បីជួយជាភ្នែកជាច្រមុះ របស់សមត្ថកិច្ចយើង ក្នុងគោលបំណងជួយរក្សាសន្តិសុខសណ្តាប់ធ្នាប់ជូនដល់បងប្អូនប្រជាពលរដ្ឋនិងក៏ ដើម្បីជួយថែរក្សាការពារនូវសន្តិសុខជូនដល់ក្រុមហ៊ុនគ្រឹះស្ថាននានាដែលមាននៅក្នុងប្រទេសកម្ពុជានេះ។
បើតាមការឲ្យដឹងពីឧត្តមសេនីយ៍ឯក លឹម សុខារស្មី ប្រធាននាយកដ្ឋានគ្រប់គ្រងសន្ដិសុខឯកជននៃអគ្គស្នងការនគរបាលជាតិបានឲ្យដឹងថា នាពេលបច្ចុប្បន្ននេះមានភ្នាក់ងារ សន្តិសុខឯកជនមានចំនួន២៤៤ក្រុមហ៊ុនដោយមានកម្លាំងចំនួន២៧.១៩០នាក់។
ឯកឧត្តមឧត្តមសេនីយ៍ឯក លឹម សុខារស្មីបានឲ្យដឹងទៀតថាកាលពីឆ្នាំ២០១៨កន្លង ទៅនេះបានប្រមូលកម្រៃសេវាសាធារណៈពីក្រុមហ៊ុនផ្តល់សេវា និងសហគ្រាស់គ្រឹះស្ថានបង់ជូនរដ្ឋបានចំនួនជាង១០ម៉ឺនដុល្លារអាមេរិកផងដែរ ៕
ចំនួនអ្នកទស្សនា
- ថ្ងៃនេះ3161
- ម្សិលមិញ11441
- សប្តាហ៍នេះ32991
- ខែនេះ148141
- ឆ្នាំនេះ148141
- សរុប20590597